ROSSAVARDEN 4H

Registrert aktivitet

Føremålet til 4H-klubben er å utvikle ein aktiv og samfunnsengasjert ungdom med ansvarskjensle og respekt for natur og menneske. Grunnlaget for organisasjonen sitt arbeid finst i naturbruksnæringane og i lokalmiljøet. 4H Norge si målsetjing vert uttrykt gjennom 4H lovnaden: Vi lovar å arbeide mot det mål å verte ein ungdom med klårt Hovud, varmt Hjarte, flinke Hender og god Helse. 4H-klubben er ein del av organisasjonen 4H Norge. Arbeidsoppgåvene til 4H-klubben er å utvikle eit godt ungdomsmiljø på heimstaden ved å drive allsidig klubbaktivitet. Utvikle ein aktiv ungdom med fagleg innsikt og praktisk kunnskap om jord, skog, planter, dyr, sjøbruk, hus- og heimstell og lagsarbeid ved å drive allsidig 4H-arbeid for barn og unge. Medverke til samkjensle, arbeidsglede og auka trivsel i lokalsamfunnet ved å gjennomføre 4H-aktivtetar. Gje råd og opplæring gjennom 4H-prosjekt, kurs, studiearbeid, tevlingar, demonstrasjonar, lagsarbeid og andre arbeidsformer etter prinsippet. Å lære ved å gjere det.